You are currently browsing the category archive for the 'ástralía' category.
Gestgjafinn hefur tekið til umfjöllunar nokkur af nýju vínunum okkar í síðustu tveimur tölublöðum og ekki annað að segja að útkoman sé góð.
Áströlsku stubbavínin The Stump Jump GSM og The Stump Jump Chardonnay fá bæði 4 glös og sömu sögu er að segja af Aglianico del Vulture frá Bisceglia. Hvítvínið Falanghina frá sama framleiðanda fær 3 1/2 glas.
Bestu dómana í þessum glaða hópi fær þó líklegast Vinho Verde Terra Antiga, 4 glös og nafnbótina “Bestu kaupin”.
Svona lítur þetta út:
“Vinho Verde Terra Antiga 2008 – 4 glös BESTU KAUPIN
Loksins, loksins fáum við til okkar á smakkborðið Vinho Verde og það líka almennilegt eintak. Vinho Verde er merkilegt fyrirbæri sem væri hægt að gera góða grein um en í stuttu máli þá er þetta vín sem kemur frá norvesturhluta Portúgals og eru hvítvínin gerð úr þrúgunni albarino, eða alvarinho eins og hún kallast á portúgölsku. Vínið er brakandi ferskt og eru svo mikið sumar í því að liggur við að sólin fari að skína þegar maður opnar flöskuna. Ilmurinn er opinn og eins og áður sagði afar ferskur og er þar að finna græn epli peru, sítrus, vínber, greip og melónu. Einstaklega aðlaðandi ilmur svo ekki meira sé sagt. Í munni er það léttfreyðandi og ofboðslega ferskt. Létt fylling og sömu þættir og í nefi, jafnvægi er gott þó svo að ferskleikinn sé allsráðandi og einfaldleikinn er í fyrirrúmi. Drekkið með sjávarréttasalati eða með íslenskum kræklingi.
Verð: 1.789 kr.
Okkar álit: Brakandi ferskt, einfalt og algjör gullmoli. Synd að sumarið sé að enda því hér er á ferðinni 100% sumarvín.
Loksins, loksins fáum við til okkar á smakkborðið Vinho Verde og það líka almennilegt eintak. Vinho Verde er merkilegt fyrirbæri sem væri hægt að gera góða grein um en í stuttu máli þá er þetta vín sem kemur frá norvesturhluta Portúgals og eru hvítvínin gerð úr þrúgunni albarino, eða alvarinho eins og hún kallast á portúgölsku. Vínið er brakandi ferskt og eru svo mikið sumar í því að liggur við að sólin fari að skína þegar maður opnar flöskuna. Ilmurinn er opinn og eins og áður sagði afar ferskur og er þar að finna græn epli peru, sítrus, vínber, greip og melónu. Einstaklega aðlaðandi ilmur svo ekki meira sé sagt. Í munni er það léttfreyðandi og ofboðslega ferskt. Létt fylling og sömu þættir og í nefi, jafnvægi er gott þó svo að ferskleikinn sé allsráðandi og einfaldleikinn er í fyrirrúmi. Drekkið með sjávarréttasalati eða með íslenskum kræklingi.
Verð: 1.789 kr.
Okkar álit: Brakandi ferskt, einfalt og algjör gullmoli. Synd að sumarið sé að enda því hér er á ferðinni 100% sumarvín.
D’Arenberg Stump Jump Chardonay 2008 – 4 glös
Vínin frá d’Arenberg hafa alltaf vakið hrifningu hjá okkur sökum góðra vína og frumlegheita í víngerð og hugunarhætti og er þetta vín engin undantekning þar. Það ber nafnið á gamalli uppfinningu sem var notuð til að ryðja landið í kringum McLaren-dalinn og gat vélin “stokkið” yfir trjástubbana á eucalyptus-trjánum sem krökkt var af á svæðinu. Vínið er létteikað og með því er átt við að um fjórðungur af safanum er geymdur í notuðum eikartunnum í einhvern tíma. Opinn, óvenju ferskur og nett-ristaður ilmur af vanillu og kryddi en eftir stutta öndun ryðst suðrænn og ljúffengur ávöxtur fram og tekur völdin. Í munni er það skemmtilega frísklegt, miðað við Chardonnay frá Nýja heiminum, með þéttan ávöxt og góða fyllingu. Jafnvægið er til fyrirmyndar og endingin sömuleiðis. Pottþétt í alla staði enda frábær framleiðandi á ferð. Drekkið með grilluðum fiski ásamt blaðlauks- og sítrónurjómasósu.
Verð: 2.120 kr.
Okkar álit: Hér blandast saman örlæti ástralskra vína við fágun Chardonnay og er útkoman stórskemmtilegt vín, laust við dæmigerðar ástralskar ýkjur.
Bisceglia Falanghina 2008 - 3 1/2 glas
Hér er á ferðinni enn ein ítalska þrúgan sem fáir, ef einhverjir, hafa heyrt um – falanghina. Það er kannski ekki furða að hún sé lítið þekkt hér á landi þar sem hana er aðallega að finna á vínekrum Suður-Ítalíu og hafa vínumboðin ekki verið að sækja vín þangað í miklum mæli. En það virðist vera að breytast. Vínið er opið og tekur þétt ávaxtaveisla á móti manni í fyrstu með melónu, ferskju, apríkósu, banana og mangó. Unaðslegur kokteill og hægt er að staldra lengi við með nefið í glasinu. Í munni er vínið milt og ferskt með góða fyllingu og með allt annan karakter en í nefi. Ávpxturinn er miklu minni og er ákveðinn biturleiki sem fylgir víninu alla leið. Krefst matar og þá helst grillaðs fiskspjóts.
Verð: 2.120 kr.
Okkar álit: Ljúft í nefi og athyglisvert í munni. Afar vel gert en með klofinn “persónuleika” og er vínið sér á báti.
Bisceglia Aglianico del Vulture 2006 – 4 glös
Aglianico er lítt þekkt þrúga hérlendis og er svo víðar. Þessi þrúga hefur það sem þarf til að framleiða gæðavín og koma bestu dæmin frá ekrum sem liggja í kringum fjallið Vulture, þ.e.a.s. DOC Aglianico del Vulture. Vínið er pínu feimið í byrjun en mildur piparilmur er það fyrsta sem tekur á móti manni. Fljótlega koma blómlegir tónar í ljós ásamt mildum ávexti. Við þyrlun sprettur upp margslunginn blómailmur og ávöxturinn fer að njóta sín betur með kirsuber í aðalhlutverki. Skemmtilega öðruvísi ilmur. Vínið er ávataríkt í munni með kryddaða áferð, fínleg tannín og góðan ferskleika. Pipar, kirsuber, blóm, kryddjurtir og eiginlega allt sem var að finna í nefi. Flott fylling. Langt eftirbragð sem hangir á þessum milda og kryddaða karakter. Matarvín sem væri skemmtilegt með réttum í anda osso bucco.
Verð: 2.189 kr.
Okkar álit: Sérstaklega vandað vín sem dregur fram það besta hjá þrúgunni, margslungið og matarvænt.
d’Arenberg Stump Jump GSM 2007 – 4 glös
The Stump Jump GSM (Rhone-blandan) er okkur ekki ókunnugt og höfum við smakkað nokkra árganga í gegnum tíðina. Hér erum við með nýjan árgang og er blandan 50% grenache, 29% shiraz og 21% mourvedre og kemur ávöxturinn frá McLaren-dalnum í Suður-Ástralíu. Vínið er opið og gjafmilt með þéttan en ferskan ávöxt, blóm, eucalyptus og piparinn er á sínum stað en þó fínlegri en vill oft gerast í svipuðum vínum. Við öndum verður ávöxturinn þykkari og bakaðri. Einfaldur en aðlaðandi ilmur. Mild og ávaxtarík áferð með nægan ferskleika til að viðhalda jafnvægi. Flott fylling og virkilega djúsí ávöxtur í bland við blómlega tóna og nettan pipar sem heldur sig í bakgrunninum. Nokkuð langt eftirbragð sem hangir á ávextinum. Drekkið með léttri villibráð og þá helst fuglakjöti.
Verð: 2.189 kr.
Okkar álit: Skemmtilegt vín í alla staði. Vel gert með flotta byggingu og skemmtilegan karakter.”
Guðirnar hafa talað.
“Dreggjar guðanna” er japönsk manga teiknimyndasería um ungan mann sem missir föður sinn, mikinn vínspekúlant og gagnrýnanda. Í erfðaskr
á föðursins er sett af stað keppni milli mannsins og fósturbróðir hans um að finna 12 “guðdómleg” vín veraldar.
Ég hef ekki séð þessa seríu og veit ekki hvort hún hefur verið þýdd á ensku (hefur verið þýdd á amk frönsku) en bíð spenntur eftir að komast yfir hana einhvern tímann.
Nú er ennþá meiri ástæða til því að í nýjasta heftinu ferðast ungi vínsmakkarinn til Ástralíu og smakkar The Laughing Magpie frá d’Arenberg við mikla ánægju.
Þetta er í fyrsta sinn sem ástralskt vín birtist á síðum teiknimyndahetjunnar því gamlir standardar úr evrópskri víngerð hafa ráðir þar ríkjum.
Sala á The Laughing Magpie rauk upp í kjölfarið, 2006 árgangur er uppseldur en við búum svo vel að eiga slatta af 2006 á lagernum okkar.
Smelltu til að lesa forsíðufrétt um birtinguna sem vakti mikla athygli í Ástralíu
Svona lítur þetta út á síðum “Dreggja guðanna”:
—————-
Plantað fyrir 210 árum, áströlsk vín eru afurð vinnu fólksins. Shizuk hefur fundið kandídat undir áströlskum himni.
SHIZUKU: Þetta Shiraz er virkilega gott. Ég bjóst ekki við miklu frá víni með skrúftappa.
ST’ÚLKA: Þetta vín hefur unnið mörg verðlaun, þetta er vín fyrir fólk með puttan á púlsinum. Það kemur frá svæði ekki langt frá sem heiti McLaren Vale. Þetta er d’Arenberg Laughing Magpie Shiraz Viognier 2006 árgangur.
SHIZUKU: Við skulum flytja þetta vín inn.
STÚLKA: Góð hugmynd. Það myndi kosta á milli 2000 og 3000 yen í Japan. Fyrir utan að leita að kandídötum þurfum við að finna vín til innflutnings líka.
SHIZUKU: Það er kryddað og barmafullt af orku og lífi. Bæði framandi en líka fyrir venjulegt fólk á sama tíma.
Hæ, hó, jibbí og jei. Það rignir yfir d’Arenberg.
Ekki blessaðri rigningunni heldur verðlaunum og viðurkenningum.
Annað hvort er það víngerðin sem er að fá viðurkenningu, Chester sjálfur, veitingastaðurinn þeirra eða jú það sem mestu máli skiptir (held ég), vínin.
Við fáum mánaðarlega skeyti frá víngerðinni með lista yfir nýjustu afrek og stundum fljóta brandarar með. Það er gott að eiga samskipti við d’Arenberg, það er létt fyrir starfsfólki og vingjarnlegt, ”Aussie style”, sem kristallast í Chester sjálfur.
Nú er það einmitt víngerðarmaðurinn Chester Osborne d’Arenberg sem er tilnefndur í hóp 8 fínalista sem Víngerðarmaður ársins í Ástralíu skv. tímaritinu Gourmet Traveler Wine Magazine.
Þetta er svona svipað eins og að komast í 8 liða úrslit í Evrópukeppninni og nú er að bíða og sjá hvort hann tekur sjálfan bikarinn.
Eitt að lokum:
— Áfram Ítalía !
Við höfum flutt inn vínin frá Kay Brothers nokkuð lengi. Upplagið er lítið og þau svona fljóta með stærri pöntunum frá Torbreck og ekki síst d’Arenberg en d’Arenberg og Kay Brothers eru nágrannar í McLaren Vale héraði í S-Ástralíu.
Við tökum bara tvö rauðvín frá Kay Brothers og eru þau bæði úr shiraz þrúgunni, Hillside Shiraz og Block 6.
Robert Parker nokkur hefur lengi verið örlátur á stigin sín þegar kemur að þessum tveimur vínum og gefið hinu fyrrnefnda hæst 95 stig og því síðarnefnda 98 stig. Að öðru leyti hef ég ekki séð Kay bræðurnar dúkka svo oft upp í vínpressunni yfir höfuð, það virðist fara lítið fyrir þeim. Líklegast vegna þess að fyrirtækið er lítið og virðist ekki stunda mikla markaðssetningu.
Kay Brothers er m.ö.o. gott dæmi um þá framleiðendur sem eru til umfjöllunar í desember hefti breska víntímaritsins Decanter. Þeir eru ekki allir litlir framleiðendur en að mati tímaritsins eru þeir dæmi um þá grósku sem á sér stað í ástralskri víngerð um þessar mundir og sér ekki fyrir endann á.
Greinarhöfundurinn Matthew Jukes lofar áströlsku vínin hástert, ekki síst fyrir gott verð og gæði og mikla fjölbreidd sé álfan skoðuð í heild sinni. Hann varar þó við því að áströlsk vín séu fyrst og fremst metin fyrir sín góðu kaup þótt sú ímynd hafi verið þeim mikill styrkur í kröftugri markaðssetningu síðustu ár því hún skyggi á hið raunverulega gildi ástralskra vína – gæðin.
“Er ekki tími til kominn að taka áströlsk vín alvarlega?” er fyrirsögn greinarinnar.
Greinarhöfundur gengur nokkuð langt í þá átt að lýsa Ástralíu sem framleiðanda bestu vína á jörðu þegar hann ber vín álfurnnar saman við vín frá nýja eða gamla heiminum, og skýtur kannski aðeins yfir strikið með stórkostlegar yfirlýsingar. Það er samt full ástæða til þess að benda á gæði og margbreytileika ástralskrar vínframleiðslu og hvetja fólk til þess að sjá í gegnum vegg af ódýrum súpermarkaðsvínum sem þaðan streyma og prófa eitthvað sem sýnir betur hversu álfan er megnug þótt það kosti að jafnaði aðeins meira.
Hér eru þrjú vín sem ég legg til:
HIllside frá Kay Brothers
Juveniles frá Torbreck
The Laughing Magpie frá d’Arenberg
“[O]ne of the world’s greatest wine estates.” segir Jay Miller sem fjallar nú um áströlsk vín fyrir Robert Parker vínpressuna The Wine Advocate.
Nýju árgangarnir sem við fengum ekki fyrir löngu fá frábærar einkunnir og er Run Rig þar fremst á meðal jafningja sem fyrr en 2004 árgangurinn fær 99 stig. The Run Rig er að mestu leyti úr Shiraz en hefur jafnframt ofurlítið af hvítvínsþrúgunni Viognier – svona eins og The Laughing Magpie frá d’Arenberg.
Eitt vín frá Torbreck erum við að fá í fyrsta sinn og er það The Descendant. Það rennur undan rifjum The Run Rig og dregur nafn sitt af því. Þ.e.a.s. það er framleitt úr sömu þrúgum og af sömu vínekrum en sem eru af ekki af alveg nógu miklum gæðum fyrir drottninguna sjálfa. Það fær því ekki nema (!) 97 stig í Parker útgáfunni.
The Factor höfum við flutt inn í nokkur ár og fær 2005 árgangurinn 97 stig eins og The Descendant.
En að þeim Torbreck-vínum sem fást í Vínbúðunum. Þau er tvö, bæði rauð. The Struie 2005 fær 94 stig í Parker útgáfunni og The Juveniles 2005 fær 91 stig.
“Run Rig 2004 – 99 stig
The flagship 2004 Run Rig is 96.5% Shiraz and 3.5% Viognier with the Shiraz component aged for 30 months in a mixture of new and used French oak. Yields were a minuscule 14 hl/ha (about 1 ton per acre). Saturated opaque purple/black, it has a remarkably kinky, exotic perfume of fresh asphalt, pencil lead, smoke, pepper, game, blueberry and black raspberry. Full-bodied and voluptuous in the mouth, the wine is dense and packed, with amazing purity, sweet tannins, and a complex collection of sensory stimuli. The wine demands 10 years of cellaring and will provide hedonistic delights through 2035+.
The Descendant 2005 – 97 stig
The 2005 Descendant is composed of 92% Shiraz and 8% Viognier which are co-fermented. The fruit is sourced from a relatively young vineyard in Marananga planted with 11-year-old cuttings from the Run Rig vineyards and aged for 18 months in 2.5-year-old French barrels previously used for Run Rig. Opaque purple, with glass-coating glycerin, it offers up a complex array of lavender, violets, blueberry, blackberry, and fresh road tar. Full-bodied, on the palate the wine has great concentration with a noticeable uplift from the Viognier, gobs of spicy black fruits, opulence, and well-concealed tannins which will carry this wine for 10-15 years of further evolution. Drink it through 2030
The Factor 2005 – 97 stig
The 2005 The Factor is 100% Shiraz sourced from dry grown vines from six sub-regions of Barossa. It spent 24 months in 30% new French oak. Opaque purple-colored, it delivers an expressive bouquet of pepper, smoke, espresso roast, blackberry, blueberry, and licorice. Full-bodied and voluptuous on the palate, nuances of saddle leather and mineral emerge to complement the layers of spicy blue and black fruits. The wine is beautifully integrated with enough well-concealed tannin to keep this wine evolving for a decade. The pure finish lingers for 60+ seconds to complete the experience of a totally hedonistic turn-on.
The Struie 2005 – 94 stig
The 2005 The Struie was sourced from cooler Eden Valley and Barossa Valley hillside vineyards. It is David Powell’s attempt to showcase the cooler side of the region. Vine age ranges from 46-110 years old. The wine was aged for 18 months in older French oak before being bottled unfined and unfiltered. It delivers a splendid bouquet of lead pencil, game, blueberry muffin, and blackberry liqueur. This is followed by an elegant Shiraz which is nevertheless full-bodied, dense, and richly flavored. Plush on the palate, it has superior depth and length and the structure to evolve for 6-8 years. Drink it through 2027.
The Juveniles 2006 – 91 stig
The 2006 Cuvee Juveniles is a blend of 60% Grenache, 20% Mataro, and 20% Shiraz. The final assemblage was pieced together from over 100 individual components yielding a dark ruby-colored wine with an expressive bouquet of damp earth, leather, spicy cranberry, raspberry, and black cherry. This unoaked wine has excellent depth, light tannin, ripe, spicy red and black fruit flavors and a long finish. Drink this great value over the next 6 years.” (- Robert Parker The Wine Advocate)
Vínin sem ekki fást í Vínbúðunum er hægt að sérpanta með því að senda línu á vinogmatur@vinogmatur.is.
Vonandi styttist í að Chester Osborne, eigandi og víngerðarmaður hjá d’Arenberg, mæti til Íslands og haldi vínsmökkun með okkur en þangað til verður að láta sér nægja að horfa á vídeó af kallinum á YouTube.
Hér smakkar hann sitt rómaðasta vín The Dead Arm 2005:
Það er ástæða til að endurtaka að þetta er í alvörunni ekki Egill Helgason með ástralskan hreim í Hawaii skyrtu.
Við eigum eitthvað til af The Dead Arm 2004 en 2005 árgangur kemur síðar í vetur. Vínið fæst eingöngu með því að sérpanta í gegnum Vínbúðirnar eða þú sendir okkur tölvupóst á vinogmatur@vinogmatur.is og við önnumst um sérpöntunarferlið fyrir þig.
Smelltu hér til að skoða vídeóbloggið hans Chester um The Dead Arm 2005 á YouTube. Einnig má sjá hann vídeóblogga um hin tvö stóryrki víngerðarinnar; The Ironstone Pressings 2005 (smelltu hér) og The Coppermine Road 2005 (smelltu hér).
Það er gaman þegar að bloggarar taka upp á því að fjalla um eitthvað af vínunum okkar.
Jón Lárus bloggar um rauðvínið The Stump Jump frá d’Arenberg og er ánægður með það.
Við vorum að fá sendingu frá Ástralíu í síðustu viku. Í henni voru vín frá d’Arenberg, Torbreck og Kay Brothers.
d’Arenberg er lang stærstur hluti af viðskiptum okkar við Ástralíu en nokkrir gæðingar frá Torbreck og Kay Brothers fengu að fljóta með.
Þau eru bara svo góð. Þau eru engu lík.
Þetta hefur Robert Parker sjálfur að segja um vínin:
Torbreck The Factor 2004 – 97 stig
“Made from 100% Shiraz that spent 24 months in French oak (30% new), the exuberant, flamboyant 2004 The Factor offers up gorgeously pure blueberry and blackberry fruit intermixed with smoke, bacon fat, camphor, and graphite. Silky smooth, and, as David Powell says, “the most Barossa-like” of all his wines, it represents Powell’s rendition of a Cote Rotie. It can be drunk over the next 15-20 years.”
Torbreck Run Rig 2003 – 99 stig
“The estate’s flagship cuvee is the virtually perfect 2003 Run Rig. Made from 8 separate Barossa vineyards (ranging in age from 94 to 158 years), it is primarily Shiraz with 4-5% co-fermented Viognier included in the blend. The wine was aged in French oak of which 60% is new. The sensational, inky/purple-tinged 2003 exhibits a stunningly sweet nose of blackberries, blueberries, litchi nuts, smoked meats, and a hint of apricots. Elegant yet super-powerful, rich, concentrated, and long, it is a tour de force in winemaking as well as a modern classic example of Barossa Shiraz. It should drink well for 20-25 years.”
Kay Brothers Block 6 2004 – 98 stig
“There are 1,400 cases of the flagship cuvee, the Block 6 Shiraz, which is aged 28 months in 60% new American oak and 40% new Hungarian oak. Typically, it possesses between 15-16% alcohol and is always a candidate for twenty or more years of cellaring. The 2004 Shiraz Block 6 is the finest example of this cuvee since the 1998. It is an awesomely concentrated Shiraz with an inky/plum/garnet/purple color and a sweet nose of roasted meats, dried herbs, ground pepper, blackberries, and cassis. This intense, full-bodied effort boasts a profound depth and richness as well as layer upon layer of awesome concentration and length. While approachable, it should hit its peak in 5-6 years, and last for two decades or more.”
- Robert Parker (www.erobertparker.com)
Vínin er hægt að sérpanta með því að senda okkur tölvupóst á vinogmatur@internet.is. Á meðan birgðir endast.
Winestate er ástralskt víntímarit.
Þeir virðast hafa fallið í stafi yfir The Hermit Crab 2005 hvítvíninu frá d’Arenberg.
Þeir velja það eitt af Bestu vínum ársins 2006 og gefa því 4 1/2 sjörnu af 5 mögulegum.
Kíktu líka á þetta skemmtilega vídeóblogg þar sem Cary Vaynerchuk lofar vínið.
The Laughing Magpie fær flotta umsögn í vídeóblogginu hjá þessum tveimur kátu Áströlum.
Þeir benda m.a. á þá staðreynd að í þessu dökka og mikla rauðvíni leynist hvítvínsþrúgan Viognier.
Francis d’Arenberg á d’Arenberg víngerðina ásamt systkynum sínum tveimur. Víngerðin hefur verið í eigu fjölskyldunnar frá stofnun hennar fyrir um 100 árum síðan.
Francis rekur batteríið ásamt syninum Chester.
Lestu þetta skemmtilega viðtal í Wine Business Montly við þá feðga undir fyrirsögninni “The Art of Being Different”.
Fyrirsögnin sem er jafnframt mottó d’Arenberg víngerðarinnar lýsir vel þeim anda sem einkennir fjölskylduna og vínin þeirra.
Við eigum þrjú hvítvín í brakandi nýjum Gestgjafanum. Þema vínumfjöllunarinnar að þessu sinni eru vín úr sjaldgæfum þrúgum og verður henni haldið áfram í næsta tölublaði.
Hvítvínin okkar þrjú fá afskaplega góða dóma með Vitiano Bianco 2005 frá Falesco í broddi fylkingar. Ég held bara að sé miðað við verð hafi ekkert vín frá okkur fengið eins góða umfjöllun og einkunn í Gestgjafanum og Vitiano hvítvínið fær núna. Bestu kaupin og 4 1/2 glas og fannst þeim mæðginum Eymari og Dominique það “unaðsleg upplifun” og “frábær kaup”.
4 1/2 glas er bara “half a glass from greatness” (fannst þetta hljóma svo flott að ég varð að hafa það á ensku) fyrir vín á aðeins 1.590 kr.
Hin hvítvínin tvö fá bæði 4 glös sem er frábær einkunn líka. Þau eru á sama róli, Casal di Serra 2005 frá Umani Ronchi kostar líka 1.590 kr og hið ástralska The Hermit Crab 2004 frá d’Arenberg kostar tíkalli meira eða 1.600 kr.
Casal di Serra er að birtast í annað sinn á síðum Gestgjafans, fyrir nokkrum árum hlaut það sömu einkunn og heiðurstitilinn Vín Mánaðarins. Casal er okkar vinsælast vín frá upphafi og þessi nýi dómur staðfestir að gæðin hafa ekkert breyst.
“VITIANO FALESCO BIANCO 2005 – 4 1/2 glas BESTU KAUPIN
Lazio [er reyndar frá Umbria héraði] er kannski ekki þekktast fyrir vínin sín og stendur að minnsta kosti í skugganum af nágranna sínum Toskana hvað vín varðar. Engu að síður er þar að finna nokkra gullmola og er vínframleiðandinn Falesco einn af þeim. Hér er á ferðinni mikið matarvín úr þrúgunum vermentino, viognier og verdicchio. Mjög opinn og margslunginn ilmur með vott af blómum (ef maður lokar augunum og þefar af því getur maður ímyndað sér að maður sé staddur í fallegum garði fullum af blómum), ferskju, nýslegnu grasi og sítrus. Í bragði er það margslungið og ferskt með steinefnum, kryddi og ferskjum og með skemmtilegan keim af fersku tóbaki í eftirbragði.
Verð 1.490 kr. [úps, 1.590] – Frábær kaup.
Okkar álit: Margslungið vín og líflegt frá Mið-Ítalíu, unaðsleg upplifun og þið verðið að þora að drekka það með pasta (sjávarréttapasta með sveppum og rjómasósu), kálfakjöti – og að sjálfsögðu með eðalfiski.CASAL DI SERRA 2005 - 4 glös
Casal di Serra ætti að vera flestum kunnugt því það hefur dvalið í þó nokkurn tíma í hillum vínbúðanna og alltaf er það jafnsjarmerandi. Það er gert úr verdicchio og er opið og ferskt með ilm af marsípani, eplum, sítrus og nýslegnu grasi. Í bragði er það ferskt og líflegt með góða fyllingu og vottar fyrir sítrus, grösugum tónum, blómum og perum. Það hefur góða byggingu og er bragðmikið en í senn einstaklega fágað. Hafið þetta með salati með parmaskinku og melónum eða sjávarréttasalat.
Verð 1.590 kr. – Mjög góð kaup.
Okkar álit: Fínlegt og elegant vín frá Umani Ronchi, mjög góð fylling og skerpa – Verdicchio gerist ekki betra.
D’ARENBERG THE HERMIT CRAB 2004 - 4 glös
Þessar tvær þrúgur, viognier og marsanne, eru báðar upprunnar frá Suður-Frakklandi og eru mikið ræktaðar í Rhone-dalnum. Það er samt ekki algengt að sjá þessar tvær þrúgur notaðar saman, hvað þá frá Ástralíu. Það hefur ferskan og líflegan ilm af sítrus, blómum, ferskjum og ananas. Mjög aðlaðandi í nefi. Það er álíka ferskt í bragði og heldur margslungið með vott af sítrus, blómum, greipávexti og þroskuðum ferskjum. Það hefur góða byggingu og gott jafnvægi þrátt fyrir hátt alkóhólmagn. Mjög fágað skemmtilegt vín sem er með þeim frumlegri í vínbúðunum. Prófið það með feitum fiski, til dæmis með mildu karríi (indversku), eða rækjum með lárperu og greipávexti í karríi.
Verð 1.600 kr. – Mjög góð kaup.
Okkar álit: Við fögnum þessari frumlegu og sérkennilegu blöndu (ekki bara nafnið sem er frumlegt), vínið er margslungið og yndislegt.” - Gestgjafinn 2. tbl. 2007.
Tvö af rauðvínunum okkar eru á lista Decanter tímaritsins yfir Bestu rauðvín ársins 2006: The Dead Arm 2004 frá d’Arenberg og Barolo Cannubi Boschis 2001 frá Luciano Sandrone.
“LUCIANO SANDRONE CANNUBI BOSCHIS 2001 – 5 stjörnur
Big, closed, earthy, with vein of rose petal aromatics. Youthful, modern, brightly fruity, oak still dominant. Great depth of flavour. Drink 2008-16.
D’ARENBERG THE DEAD ARM 2004 – 4 stjörnur
Intense black- and blueberry, creamy oak, attractive. Jammy, richly fruited, linen-textured tannins, nice freshness, long. Drink up to 2011.” (- Decanter)
Hér eru 11 söluhæstu vínin okkar í Vínbúðunum í jólamánuðinum:
1. Fontodi Chianti Classico
2. d’Arenberg The Laughing Magpie
3. Castello di Querceto Chianti Classico Riserva
4. Castello di Querceto Chianti Classico
5. Falesco Vitiano Rosso
6. Umani Ronchi Casal di Serra
7. Firriato Santagostino Rosso
8. d’Arenberg The Hermit Crab
9. d’Arenberg The Footbolt
10. Chateau de Flaugergues Cuvee Sommeliere
11. Chateau de Mourgues du Gres Terre d’Argence
1-4, 6 og 8 fást öll í Kjarna (flestar vínbúðir) en hin fimm eru aðeins fáanleg í Heiðrúnu og Kringlunni.
Er Chester Osborne, víngerðarmaður og eigandi d’Arenberg í Ástralíu, og Egill Helgason eini og sami maðurinn?
Ég hef verið að vinna í því að fá Chester til að koma til landsins á næsta ári og kynna vínin sín — og mun þá hið sanna koma í ljós.
Ég veit það ekki, kannski var það þessi grein hans De Long sem ég bloggað um fyrir stuttu þar sem hann setti einfalt Chianti í andlitslyftingu — eða kannski var það einfaldlega vegna þess að ég var með ótal uppteknar flöskur í eldhúsinu eftir vínsmökk síðustu daga. Í fyrsta skipti síðan við byrjuðum að flytja inn vín fyrir rúmlega þremur árum síðan blandaði ég tveimur tegundum saman.
Já, ég játa.
Samt ótrúlegt að ég hafi aldrei gert þetta fyrr. Í þágu vísindanna.
Fyrir valinu urðu rauðvínið ástralska The Footbolt og gott Chianti Classico frá Querceto. The Footbolt er eikað, sultað og berjaríkt vín en Chianti-inn er jarðbundinn, þurr. Þau gætu ekki verið ólíkari.
Útkoman var áhugaverð. Frekar en að bæta við hvort annað (þar sem ólíkir eiginleikar vínanna mættust í sama glasi) var þess húsblanda fremur hlutlaus. Þau skófu af karakter hvors annars frekar en bæta við. Ég get samt ekki leynt því að ég velti fyrir mér hvernig áströlsk vín myndu vera ef þau væru eilítið jarðbundnari og þurrari eins og þessi blanda var. En — við höfum nóg af öðrum vínum sem fylla í þann flokk og áströlsk vín eru líklegast best nákvæmlega eins og þau eru.
Við höfum sett saman 4 rauðvín frá þremur ólíkum framleiðendum í S-Ástralíu. Þetta eru fjölskyldufyrirtæki, þekkt fyrir að setja markið hátt. Svo hátt reyndar að öll hafa þau einhvern tímann fengið fyrir eitthvert vína sinna 98 eða 99 stig af 100 hjá Robert Parker.
d’Arenberg og nágranninn hans Kay Brothers eru í McLaren Vale héraðinu sem er syðst við strönd álfunnar og beint fyrir ofan er Barossa héraðið þar sem Torbreck er staðsettur.
d’Arenberg The Custodian Grenache 2004
d’Arenberg The Cadenzia GSM 2003
Kay Brothers Hillside Shiraz 2002 – 95 stig Robert Parker
Torbreck The Woodcutter´s Shiraz 2004
S-Ástralíu SMAKKPAKKI – 9.800 kr.
Smávegis glaðningur frá Amedei súkkulaðiálfunum í Toskana fylgir með ásamt litlu hefti með ítarlegum upplýsingum um vínin fjögur og framleiðendur þeirra.
ATH! Til að panta smakkpakkann sendir þú okkur tölvupóst á vinogmatur@internet.is. Við munum leiða þig í gegnum ferlið.
Wine Spectator Top 100 listinn var að koma út, fyrir árið sem er senn á enda.
Við eigum eitt vín á listanum, The Struie 2004 frá Torbreck. Það fær 94 stig og er í 38. sæti listans.
Vínið var líka valið á listann fyrir tveimur árum síðan, þá 2002 árgangur, og merkilegt nokk í nákvæmlega sama sæti. Við keyptum hins vegar 2003 árganginn og verður hann væntanlega fáanlegur í Vínbúðunum Heiðrúnu og Kringlunni innan skamms.
Ég mun leggja inn pöntun af þessu víni fljótlega — í næstu sendingu frá Ástralíu en hvort það verður 2004 eða 2005 er ég ekki alveg viss um.
Um fjórðungur vínuppskeru Ástrala er í hættu, jafnvel meira, vegna þurrka og frosts skv. þessari grein í Decanter.
Ég þarf að spyrja d’Arenberg hvernig ástandið er hjá þeim í McLaren Vale dalnum.
Reyndar hefur helsta ógn ástralskrar vínframleiðslu undanfarið ekki verið rýrnun uppskeru heldur einmitt öfugt — offramleiðsla… 900 milljón lítrar eru á umframlager eins og staðan er í dag.
Gaman að þessari d’Arenberg víngerð.
Enginn okkar framleiðanda stendur sig eins vel í markaðsmálum eins og d’Arenberg. Þeir senda allar vínfréttir jafnóðum í tölvupósti svo sem einkunnir o.sfrv. og gera það á skemmtilega hátt. Stemningin er alltaf á léttu nótunum, hvort sem er í formlegri texta á vefsíðunni eða einfaldlega í daglegum tölvupóstsamskiptum við Cindy, Claire og fleiri. Um jólin fengum við líka send dagatöl með skrípamyndum af 12 ólíkum vínum þeirra eftir 12 ólíka höfunda.
Stemningin endurspeglast ekki síst í frumlegum nöfnum vínanna og ekki má gleyma vínunum sjálfum sem eru frumleg og persónuleg.
Í morgun (nótt) kom póstur frá Claire þar sem hún var að láta viðskiptavini vita af nýjasta vínpóstinum þeirra The Redstripe Pressings.
Ég gæti helgað bloggið alfarið d’Arenberg víngerðinni, svo mikið er að gerast hjá þeim. Viðurkenningar streyma inn um lúguna.
Nú síðast fékk hvítvínið þeirra The Money Spider 2005 úr þrúgunni Roussanne gullverðlaun í flokkinum ”Einnarþrúgu hvítvín undir 10 pundum” hjá Decanter.
Það er mjög gott því aðeins eitt vín fær gull í hverjum flokki.
Við höfum smakkað þetta hvítvín og finnst það skemmtilegt. Hóflegur en lúmskur ilmur með hunangs og peruvotti, þykkt í munni og eftirbragðið langt. Aldrei að vita nema það eigi eftir að gera strandhögg hér landi.
Þorri Hringsson lét nýlega af störfum hjá Gestgjafanum. Í síðustu vínumfjöllun sinni fyrir blaðið, a.m.k. að sinni, fjallar hann m.a. um rauðvínið okkar The Footbolt 2003 frá d’Arenberg (ath. prentvilla í Gestgjafanum segir að vínið sé 2002, rétt er 2003).
D’ARENBERG THE FOOTBOLT SHIRAZ 2003 (Ástralía) – 4 glös
Vínin frá d’Arenberg í McLaren-dalnum í Ástralíu eru, að mínu mati, með þeim betri frá þessum slóðum sem hægt er að kaupa í búðum hér á landi og sérstaklega hef ég mætur á The Laughing Magpie. The Footbolt er hreint shiraz-vín og hefur djúpan fjólurauðan lit og opinn, sætan og sóríkan ilm sem á eftir að heilla marga. Þar blandast saman aðalbláberjasulta, minta, vanilla, þurrkaðir ávextir, Ritter Sport-rommrúsínusúkkulaði og örlitlir púrtvínstónar. Það er bragðmikið með mikla fyllingu, enda áfengismagnið mikið, og þar af leiðandi flauelsmjúkt og áferðarfallegt. Það er langt og þurrt sé miðað við þroskann í ávextinum og blessunarlega sýruríkt. Þarna eru svipaðar bragðglefsur og í nefinu og mikið af þeim öllum. Gott vín með flestu rauðu kjöti og bestu grillsteikum og þolir ágætlega bragðmikið meðlæti.
Í reynslusölu vínbúðanna 1700 kr. Mjög góð kaup.
Hiti: 16-18°C. Geymsla: Drekkið núna og til 2010.
Stefán er vínþjónn með meiru og hefur undanfarin ár haldið uppi vefsíðunni www.smakkarinn.is þar sem hann fjallar um vín og tilheyrandi. Þar er hægt að skrá sig á póstlista til að fá tilkynningar þegar nýju efni er bætt á vefsíðuna.
Í dag fjallar hann um vínin okkar frá d’Arenberg.
Umfjöllunin er virkilega góð, bæði um vínin frá d’Arenberg og um fyrirtækið okkar Vín og mat.
Hér fyrir neðan birti ég útdrátt úr umfjöllun Stefáns, hana er að sjálfsögðu að finna í heild sinni á vefsíðunna hans.
…Þegar ég smakkaði vín frá d ´Arenberg í fyrsta skipti á vínsýningunni í Smáralindinni í Nóvember 2005, var ég svo heillaður af línunni að ég gat ekki hætta að hugsa um hana… Það fer ekki á milli mála að þetta er fólk sem er í víninnflutnings bransanum fyrst og fremst vegna ástríðu þeirra á víni og það vill frekar vanda sig í valinu heldur en að selja eitthvað sem skilur ekkert eftir, hvorki fyrir viðskiptavininn né sjálfan sig. Ansi margir “stórir” umboðsaðilar geta lært svolítið af þeim.
THE HERMIT CRAB 2005…Mér aftur á móti fannst það mjög sérstakt og með réttum mat er þetta örugglega frábært vín…
THE CADENZIA 2003 …Skemmtilegt hvað Grenache var áberandi í nefinu og Shiraz mest áberandi í bragðinu. Mjög gott vín…
THE LAUGHING MAGPIE 2004 …Þó að þetta vín sé mjög gott núna, þá verður þetta vín stórkostlegt eftir 3 ár…
THE CUSTODIAN 2004 …Enn og aftur mjög vandað vín og sýnir að hægt er að búa til gott Grenache í Ástralíu.
THE FOOTBOLT 2003 …Vel gert hágæða shiraz…
Það kennir ýmissa hjólbarða í gagnrýni Steingríms í Tímariti Morgunblaðsins síðasta sunnudag.
”LA SPINETTA BRICCO QUAGLIA MOSCATO d’ASTI 2005 léttfreyðandi vín frá Norður-Ítalíu með sætum eplum, allt frá fölgrænum út í Granny Smith í nefi ásamt dísætum og þroskuðum perum. Parfúmerað með nokkurri sætu, svolítið “dekadent” vín. Einungis 4,5% í áfengi. 1.290 krónur. 17/20
D’ARENBERG THE HERMITAGE CRAB McLaren Vale Viognier Marsanne 2004 er hvítvín frá McLaren Vale í Ástralíu, flaskan með skrúfutappa. Rauðvínin frá D’Arenberg hafa verið í sölu um nokkurt skeið og hef ég fjallað um þau áður enda frábær vín þar sem hinar rauðu þrúgur Rónardalsins í Frakklandi sýna á sér skemmtilega hlið. Hér eru það hins vegar hinar hvítu þrúgur Rónardalsins, marsanne og viognier, sem eru í aðalhlutverki.
Niðursoðnar apríkósur, ferskjur perur með örlitlum mangó-ávexti í nefi. Kröftugt og ávaxtamikið í munni, feitt með vott af hnetukeim. Fínn fordrykkur og mætti jafnvel reyna með ostum. 1.600 krónur. 18/20
ARTADI OROBIO 2004 er ungt og þægilegt vín frá Rioja á Spáni. Það er gert í nútímalegum stíl, þar sem eik og þroski eru ekki í aðalhlutverki heldur kröftugur og ferskur ávöxtur Tempranillo-þrúgunnar þótt vissulega gæti einnig sætra eikaráhrifa í hófi. Rauð ber, kirsuber og hindber ásamt fjólum, kjötmikið og ungt. Nútímalegt og vel gert Rioja-vín. 1.600 krónur. 17/20
MAS NICOT COTEAUX DE LANGUEDOC 2003 er sólríkt vín frá Suður-Frakklandi, mjög þroskuð sólber, sviti, hjólbarðagúmmí og Fisherman´s Friends brjóstykur í nefi. Sem sagt hinn ágætasti kokkteill. Öflugt og langt í munni. 1.450 krónur. 18/20” (Morgunblaðið 20.8.2006, Steingrímur Sigurgeirsson)
Og síðan ein “Mjög góð kaup” úr Gestgjafanum að lokum. Því miður er vínið góða sem um ræðir hætt í sölu en fæst áfram með sérpöntun (ath. útsöluverð).
“CHIARAMONTE NERO D’AVOLA 2003 – 4 GLÖS
Af einhverri ástæðu hafa Íslendingar ekki verið nógu duglegir við að tileinka sér vín úr þrúgunni nero d’avola og það þrátt fyrir að vín úr þessari þrúgu séu ákaflega matarvæn og í flestum tilfellum á hagstæðu verði. Þetta vín kemur frá Sikiley (eins og önnur vín úr þessari þrúgu) og frá víngerðinni Firriato sem flestir áhugamenn ættu að þekkja að góðu. Það hefur meðaldjúpan, fjólurauðan lit og meðalopinn ilm af sultuðum kirsuberjum, lakkrís, dökku súkkulaði, þurrkuðum ávöxtum, málmi og spritti. Þetta er kannski ekki flóknasti ilmur sem hægt er að komast í tæri við en hann er sérlega áhugaverður og ávaxtaríkur. Í munni er vínið þétt, langt og vel byggt með góða sýru og mjúk tannín. Það býr yfir glefsum af svörtum, sultuðum kirsuberjum, dökkum berjum, eik, súkkulaði og lakkrís. Verulega ánægjulegt vín sem er gott með flestum dekkri Miðjarðarhafsmat, rauðu kjöti og margvíslegu sjávarfangi líka (merkilegt nokk).
Í reynslusölu vínbúðanna 1490 kr. Mög góð kaup.
Hiti: 16-18°C. Geymsla: Drekkið núna og til 2009. ” (Gestgjafinn 8. tbl. 2006, Þorri Hringsson)
Verandah Restaurant er veitingastaðurinn hjá d’Arenberg vínframleiðandanum okkar í S-Ástralíu. Þar má smakka öll vínin, borða góðan mat og njóta umhverfisins. d’Arenberg er í hjarta S-Ástralíu, nánast í úthverfi Adaleide borgarinnar, og því stutt að fara — ef maður er á annað borð að fara til þessarar miðstöðvar S-Ástralíu.
Verandah er ekki bara góður kostur vegna staðsetningarinnar heldur þykir veitingastaðurinn afar góður. Ég hef ekki borðað þar ennþá en Valdi mágur og Sigrún konan hans gerðu einmitt það fyrir nokkrum mánuðum síðan.
Verandah hefur hlotið athygli skríbenta undanfarið en þessi standa upp úr:
“Best winery restaurant in S-Australia” - South Australian Restaurant and Catering Awards (2006)
“Best in the world of wine - Best winery restaurants” - Wine and Spirits Magazine (haust 2006)
Hér er líka umfjöllun um staðinn á bestrestaurants.com.au
Ný gagnrýni í Morgunblaðinu.
Um Santagostino vínin tvö, rauða og hvíta, hefur Steingrímur fjallað áður, fyrir næstum þremur árum síð
an. Hann gaf rauða 18 stig og hvíta heil 19 auk þess að velja það á sérstakan lista það árið, svokallaðan top 10 lista. Þar sem þessi langi tími var liðinn fannst mér ástæða að láta hann hafa nýja árganga af þessum vínum og í tilefni þess að þau voru að byrja aftur í sölu eftir stutta útlegð.
Í nýju greininni fjallar Steingrímur líka um Montepulciano d’Abruzzo frá Umani Ronchi sem er mjög ánægjulegt matarvín með ítalskan sveitasjarma. Steingrímur talar um hráan ávöxt og fjóshaug á jákvæðum nótum sem er miklu meira heillandi kokteill heldur en það gæti hljómað. Þau karaktereinkenni minntu okkur á rauðvín frá Bordeaux.
Einnig ferskt og mjúkt rauðvín frá Alicante á Spáni, Laderas de El Sequé. Artadi víngerðin er á bak við þetta vín sem hlotið hefur víða góð viðbrögð fyrir að vera mikið fyrir lítið
”UMANI RONCHI MONTEPULCIANO D’ABRUZZO 2004 er rauðvín frá sama framleiðanda og hið vinsæla hvítvín Casal di Serra, sem er ekki bara vinsælt hér á landi heldur einnig eitt besta Verdicchio-vínið frá Castelli di Jesi-svæðinu.
Þetta rauðvín er einfalt en gott matarvín (90% Montepulciano og 10% Sangiovese) með nokkuð kröftugum og hráum ávexti, kryddað og með smá fjóshaug í nefi. Vín fyrir góða pastarétti. 1.300 krónur. Góð kaup. 17/20
En þá til Sikileyjar og vínframleiðandans Firriato og nýrra árganga af Santagostino-vínum þess, sem áður hafa verið gestir hér á síðunni, enda einstaklega frambærileg vín.
FIRRIATO SANTAGOSTINO ROSSO 2002 er rauðvínið í seríunni. Þroskaðar plómur, kókos, vanilla og leður. Í munni heitur ávöxtur en hreinn og þéttur, rúsínur og lakkrís ásamt góðri lengd. 1.690 krónur. 18/20
FIRRIATO SANTAGOSTINO BIANCO 2005 er hvítvín í sömu línu, blanda úr þrúgunum Cataratto og Chardonnay. Ferskjur, sítrus, ferskar jafnt sem þurrkaðar og sykurhúðaðar sítrónur. Rjómamjúkt í nefi sem munni en þó með ferskri og þægilegri sýru. 1.690 krónur. 18/20
LADERAS DE EL SEQUÉ MONASTRELL-SYRAH-CABERNET 2005 er rauðvín frá Alicante á Spáni. Það er svolítið Valpolicella-legt í stílnum og þá í jákvæðum skilningi. Mikill og bjartur og heillandi ávöxtur, kirsuber og sólber, sæt og seiðandi, þétt og mjúkt í munni, þykkur áfengur og ljúfur ávaxtasafi, laus við tannín, eik og annað sem truflar stundum. 1.450 krónur. 17/20” (Tímarit Morgunblaðsins13.8.2006, Steingrímur Sigurgeirsson)
Nýlegt spjall