Átta ný vín frá Ítalíu fara í Vínbúðirnar í dag

Lítil bylting í gangi hér.

Ekki á hverjum degi sem við sendum átta ný vín í Vínbúðirnar. Þessi hersing er afleiðing af heimsókn bloggarans á Vinitaly vínsýninguna í vor (lestu meira um heimsóknina).

Frá Arnaldo Caprai eru tvö ný vín með sama nafni, Anima Umbra rautt og Anima Umbra hvítt, sem ætlað er að fanga anda Úmbría héraðsins eins og nafnið „anima umbra“ gefur til kynna. Þau eru með sniðugum flipa aftan á flöskunni með nafni vínsins sem hægt er að fjarlægja. Umani Ronchi er sömuleiðis að spreyta sig á nýju víni, Pecorino Vellodoro, sem kemur frá vínekrum framleiðandans í Abruzzo héraði. Hvítt og rautt frá Falesco eru með í för, Poggio dei Gelsi og Tellus, bæði frá Lazio héraði. Síðan er það alveg nýr framleiðandi, Lini í Emilia Romagna héraðinu, og koma frá honum tvö freyðandi vín, rautt Lambrusco og hvítt Moscato, en frá Lini höfum við einnig fengið Balsamik edik. Að lokum er það Chianti Classico frá Fontodi sem er nú tæplega alveg nýtt en það er að byrja aftur í vikunni eftir nokkurt hlé frá Vínbúðunum.

Fimm framleiðendur frá fimm mismunandi héruðum á Ítalíu. Tilviljun eiginlega að öll þessi héruð liggja gott sem upp að hvert öðru á miðju stígvélinu.

Vínin átta fást í Vínbúðunum Heiðrúnu og Kringlunni frá og með morgundeginum.

Auglýsingar

4 athugasemdir

Filed under ítalía, caprai, falesco, fontodi, lini, umani ronchi, vínbúðirnar

4 responses to “Átta ný vín frá Ítalíu fara í Vínbúðirnar í dag

  1. Ég var í Úmbríu fyrir þremur vikum í Foligno rétt hjá Montefalco. Það var alveg sama hvaða vín maður fékk, þau voru öll á bilinu mjög góð upp í frábær.

    Sérstaklega þótti mér til koma vínin sem voru 100% Sagrantino. Vonandi verður hægt að nálgast einhvern tíma Sagrantino di Montefalco sem kostar ekki alveg sexþúsund kall :D

  2. Sagrantino di Montefalco Collepiano frá Arnaldo Caprai kostar sem stendur 4.300 kr. í Vínbúðunum. Það er reyndar verið að endurskipuleggja sérlistann svokallaða og ekki víst að vínið haldist inni lengur en fram á haust en þá er samt alltaf hægt að sérpanta það hjá mér. Sagrantino di Montefalco 25 Anni frá sama framleiðanda er aftur á móti dýrara.

  3. Ahh.. takk fyrir! Best ég fari og hand-leiti sjálfur :D
    Þegar ég var úti leitaði ég að Sagrantino á vinbud.is og fékk ekkert svar.

  4. Nei það er rétt – það er skráð sem Arnaldo Caprai Collepiano – það vantar Sagrantino di Montefalco í titilinn og finnst því ekki á vefnum.

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s